মুখ্য পৃষ্ঠা
06/04/25
14:50
আশাৰ সমাধিত ভাগ্যৰ উচুপনি
সপোন এটা জন্ম হৈছিল ,
পিতাইৰ এৰা বাৰিৰ পদুলিত !
লহপহকৈ বাঢ়ি আহিছিল ,
আইৰ আঁচলত ধৰি !
দুৱৰি বনত বহি উমলিছিল ,
প্ৰতিটো নিজান ৰাতিত !
জোনাক প্ৰিয় আছিল বাবেই ,
জোনাকী পৰুৱা এটাক কোলাট লৈ শুই
পৰিছিল !
আৰু মই আছিলো ,
বিধ্বস্ত বন্দৰত ভগ্ন জাহাজৰ অক্ষম
নাৱীক !
হালধীয়া পক্ষী এটি হৈ ,
উৰি যায় সময় মোক উপলুঙা কৰি !
সেউজীয়া বিৰিখ জোপাই হাঁহে ,
সাগৰৰ অশান্ত ঢ়ৌ বোৰ দেখি !
পল গনি শেষ নহয় মোৰ ,
হেৰায় যোৱা দিনৰ আশা বুকুত বান্ধী !
আন্ধাৰ আহিলেই ,
সপোনে উচুপি উঠে !
নিচুকনি গীত এটি গাবলৈ ,
আই আজি কাষত নাই !
কংক্ৰীট পৃথিৱীত ব্যস্ত সমাগমে ,
কিদৰে শুনিব মোৰ ভাগ্যৰ উচুপনি ?
অজুহাত কৰিবলৈ একোয়েই নাই ,
শস্য শ্যামলী পৃথিৱী ,
কাৰ বাবে আজি !!
© ৰাজু কলিতা
22/07/14
